افكار للعيد الوطني الكويتي , فعاليات اليوم الوطني الكويت

[ريماس]

https://www.kalimat1.com/vb/upload/2017/1663kalimat1.com.jpg
انشطة تفعيل العيد الوطني للكويت..

* التفعيل يمكن ان يكون عبر الاذاعة المدرسية عن الكويت والعيد الوطني

* إضاءة بوابة المدرسة بألوان علم دولة الكويت

* توزيع البالونات بألوان العلم الكويتي

* تقديم نقوش الحناء ورسومات الوجه بألوان علم دولة الكويت

* توزيع العلم الكويتي على الناس

* عمل كيكة تشبه علم الكويت

* ارتداء ازياء الكويت وخصوصا للكويت

* اكسسوارات وقبعات العلم الكويتي

* تزيين الاظافر بالوان علم الكويت

بروشرات عن حكام الكويت وانجازاتهم

*****
بالونات على بوابة المدرسه على الوان علم الكويت

*****

فقرة أور رقصه على هالأناشيد النقازيه عن الكويت

*****

نشاطات

- تمثيليه .. أو فقره عن الزواج قديمـا ..
رقصـه أو أوبريت صغير ..

واذا صبيان ..
- عرضه .. أو فقره من الاوبريتات القديمه
مثل صبي كسر المنظرة ..

- زيني المدخل بـ بالونـات ..
- بخور .. ومطويات على ألوان علم الكويت ..

- مجله حائطيه عن أي موضوع يخص الكويت ..
يعني موضوع واحد ..
- مثلا عن الشيخ صباح .. عن ماضي الكويت .. عن اماكن السياحه بالكويت ..

* بالونات بألوان العلم وشوية تور ملون بنفس الالوان او تخلينه لون واحد ويصير تزيين للواجهة كمسرح او مدخل للفصل او الروضة

عند ابومية الاعلام اشكال والوان واحجام
بلبسهم هالسنة تي شيرت لون موحد واطلب منهم يبدعون بتزيين روحهم من اعلام وكبابيس واكسسوارات البنات تلاقونهم بالهبل
من الحين نزلوهم ترى
و فكرة ثانية بالنسبه للملابس تقدرين قبلها بيوم تخلين الاطفال يرسمون على التيشيرتات علم الكويت او بصمه ايدهم بألوان العلم
دخول الاطفال اكيد على اغنيه وطنيه وليتات تكون مسكرة واذا عندكم داتاشو سويلج عرض صور عن هالمناسبة
اما المسابقات فمثلا تخلين الأمهات يسون توست مزين بزيتون اسود وطماط وخيار ولبنه (شكل علم الكويت) ومنو الاسرع
تحطين الاستاند مال المرسم وتحطين رسمه علم ومسابقه بين طفلين وامهاتهم منو يزينه او يلونه أول ،،،
و ممكن تسوين لوحة كبيرة قبل بيومين جي انتي وعيالج
او تطلبين مشروع او لوحة عن الكويت وتسوين معرض وتختارون 3 لوحات فايزين
وفي بعد فكرة من احلى فصل بالتزيين واحلى لبس وطني
ممكن تلبسينهم لبس موحد تي شيرت اسود من البيت و العلم على شكل شال عالخصر للبنات والصبيان وشاح
و تقدرين انتي و وليات الامور تسوون مسيرة مع البخاخات والزمامير والصفقة
من الصف للنشاط صج راح تطلع حركة جديدة ممتعة

ممكن تسوون قهوة شعبية وتلبسين اليهال لبس القهوجية ويكون عبارة عن دشداشة ووزار والغترة جرمبى
وتحطين لوازم القهوة شرط الإستكانات التقليدية ام نقطه حمرة عرفتوها
والبنيات تقعدينهم بالعباية والملفع ياحلاتهم وخليه صج صج ركن قهوة شعبية شزينة وشحلاته اذا انتوا نظامكم اركان بالهوا او بالمسرح

وممكن اذا فقرة كوميدية سوو فقرة اقرع مقيرع طاح بالطاسة والحلاق وحسين عبدالرضا والصبي وحطي فوق راسه كشة
شكبرها عشان تاخذون راحتكم بالقص والمنظرة وجهزي واحد بوكريشه ويقلد الفنان الاصلع نسيت اسمه الللي دوره حلاق كان نكتة
وهم حطي كورال ورا ببشوت ونظارات شمسية ومسابيح شحلاتهم والله حلوة حيل هالفقرة


ممكن بعد فقرة شيلي قشج وطلعي من بيتي ياحلاتها اتوقع ماااتنسي
هاتي خروف صجي { الاصخلة } ولبسي بنيه ثوب مسرح الي يكون تور جنها صج ام عليوي واالولد لازم يكون عصبي ويقلد حركات اللويس

****

مسابقات عن العيد الوطني الكويتي

مسابقة الاكسسوارات وايد يحبونها البنات تيبيين خرز ملون على علم الكويت مع خيوط ويسون قلوب واساور وغيرها