قصيدة عن الجنادرية - قصائد عن مهرجان الجنادرية

[ملك الاحزان]

https://www.kalimat1.com/vb/upload/2017/2021kalimat1.com.jpg

قصائد عن الجنادرية.. قصيدة تراثية فصحى عن الجنادرية

تعد الجنادرية مناسبة وطنية تلون في نشاطاتها عبق تاريخنا المجيد بنتاج حاضرنا الزاهر ومن أسمى أهداف هذا المهرجان التأكيد على هويتنا العربية الإسلامية وتأصيل موروثنا الوطني بشتى جوانبه ومحاولة الإبقاء والمحافظة عليه ليبقى ماثلا للأجيال القادمة وهنا خصصنا لكم موضوع قصائد شعرية عن الجنادرية 32..2018

قصيدة مشعل الحارثي عن الجنادرية مكتوبة

سلام واستعداد مبدأ ومدخال
تحية الإسلام بالعسكرية
اقدم بها جندي ورجلي وخيال
من ريحة البارود والشاعرية
يومأ كريم وجمعة أحباب وقبال
من ابرك الساعات ساعة مجيه
الليلة المحفل على نجد سلسال
معقود بين رياض وجنادريه
الليث حيث الليث والغيث همال
وديارنا دار مريف وفتية
غصب على خشوم العدا طرق وعقال
المملكة في حماه وحرة وأبيه
في ظل من هو حاكما عاقدا حال
قولي هلا حييت ياطيب الفال
مولاي يا سلمان يالله حياه
وقولي لعبدالله مداهيلك ظلال
عقبك حفظ متعب عليها الوصية
أنا الحرس وأنا مضاريب الأمثال
بالهجن ولا ضربة المدفعية
من جيشك المنصور شاعر ومرسال
لاشك مندوبك من الداخلية
حنا الدلايل فالهوايل والأفعال
ومسطرين المجد بالأولوية
حنا السعوديين بثياب وبدال
في ضيافة التاريخ صبح وعشية
ربعي أهل التوحيد عالو لمن عال
قرو عليه الفاتحة والتحية
يا دارنا دار المكارم والـبطال
الشعب كله قيس يا عامريه
انتي لحال وساير الارض بالحال
يامن عليك وفيك خير البرية
محبتك ماهي سواليف جهّال
ياغالية ياسالفة والديه
والله مايخونك من الذات رجال
الا خبيثين الهواء والهوية
السيف خلي فيهم السيف شغال
الطب ضربة عنق ماهوب كيه
دارا عليها يلبس العز سربال
ومروجنة والسيف والبندقية
اعرضبها ياحضرة النايف العال
يا على ملك بالساحة العالمية
سلمان لا قبلك ولا بعد ولآل
اسياد يعرب غير فيتك فيه
وأمة محمد كلها لأشهب الآل
المسلمة والأمة اليعربية
انت الفخر وانا على كل الاحوال
قصيدتي جيتك بها في ايديه
ان كان ماترخي لها مسمع أرجال
ماني لها شاعر ولاهيب ليه
سلمان اخو نوره وترقى بي حبال
محيي ذكر ذي قار والقادسية
مليكنا اللي زلزل الارض زلزال
يوم انتخى بالعزوة الفيصلية
خيالة العوجا على حرب وقتال
من دون بيت الله ومسجد نبيه
على اليمن يوم انتعز فرس نذال
في ساعة الهيجا ماهوب سعويه
عطا الاوامر ساطي الرأس بالحال
ياركب اللي للكتوف معبية
حربية مافوقها غير الآجال
من الخميس ومن مطار الحويه
قامت على الظالم تبهلل تبهلال
تبرق وترعد مزنة عقربيه
خلت عدو الدين يخضع لها اذلال
تحت القدم يا الدولة الفارسية
دولة دجل والخامنئي فيك دجال
لابوه لا أبو اذنابه الكاوليه
كذاب ومشعوذ وطاغي ومحتال
دينه رعاع ولحيته مزهريه
هذا الملك سلمان يالخامنئي الضال
ولا أنت راس الفتنة الطائفية
قطك وهو يشرب من الكيف فنجال
عدي له الفنجال يالشاذليه
هذا المليك اللي به الملك يختال
وعاش المليك وعاش منهو وليه
محمد النايف بلاشك وجدال
الراس نايف واليمين احمديه
محنك راسه وزن عقله جبال
ياسعابها ويهدهد الجرهديه
صلف عنيد هينا لين دال
ماهوب مندومأ عظامه طريه
ولي عهد المملكة سمح الاقبال
حرز الوطن والدار فيه محميّه
هو طويل إيمان لاقيل من طال
أن طال عمره والامن والحميه
المدح مايبنه على هش وهيال
معين الله والقصائد معيه
نفس التردد والإشارة والإرسال
دمه وابن عمه وخوه وسميه
ولي ولي العهد شيال الاحمال
فرز الوغا محمد زبون الويه
بريال سوق الموت يهبط وبريال
يهبط بسوق العمله المصرفيه
هذا انت والله سيدي بنك الاجيال
والله هو اللي مدنا بك عطيه
وبوك من علم بك العالم وهال
كبر الدول وأهل الجيوش العتية
خل الامم يامجلس الامن تحتال
في ابو فهد وفهوده الصيرميه
وتضب راسك عرض ماشفته وطال
يا مجلس ما يشرف مجالسيه
الشام ما شفته ولأمر فالبال
للجوع حتى الجوع حرب ضريه
أرماحها يأكل عظام الاطفال
ترمي بهم في كل صوب ولحيه
بغداد عشر سنين وكثر بلا غلال
عميق حزن وعارم الفوضوية
في ليبيا يا مجلس الامن صومال
والقدس ترزح باليهود وسبيه
قاد التحالف سيدي وانت عمال
بطال من زود الخطاء والخطية
تحالف الإسلام من ضرب بتال
عقبه وصرتي يا السيوف محنية
إلا الخليج اليعربي درع وعيال
وعيال زايد زود عنهم شويه
بالفعل ماهوب الحكاوي والاقوال
وجيش يزاحمنا حياض المنية
الصدق سيف الحق والحق ينقال
على رقبة الرجل من دون ديه
يالله وحنا نطلبك دوم ونسـآل
تردع وتطفى الفتنة الجاهلية
ما يستافد من التجارب وما حال
الروس هيه والكراعين هيه
وترى العدو واحد من جنوب وشمال
وعلى ضفاف حدودنا الساحلية
وعلى الوطن كله وفي شتى الأشكال
وحنا مازلنا معه والنار حيه
من دون محراب صدح صوته بلال
كل العرب على محك القضية
مال احدا عن وضعنا اليوم معزال
مصرينا بحروفنا الأبجدية
اما معك سلمان والحرب معدال
ولا مع الشيطان حزب وخليه

*

قصيدة قصيرة عن الجنادرية

حياة منول وش زينه
تبني بيتك لبنة طينه
ماتحتاج أسلاف ودينه
حياة منول وش زينه!
مانبغى الأول نتحول
لكن بالماضي نتجول
وش زينه حياة منول!
حياة منو ل وش زينه!
الأول مرتاح البال
لا انترنت ولا جوال!
حياة منول وش زينه!
تبني بيتك لنة طينة
ماتحتاج اسلاف ودينة
حياة منول وش زينه
لو شفتونا يوم العيد
بالثوب الحلو الجديد
لوتبي تسمعني يازيد
حياة منول وش زينه
حياة منول وش زينه
تبني بيتك لنة طينة
ماتحتاج اسلاف ودينة
حياة منول وش زينه
خلونا اعيش بذكراي
كلن يرى بعينه راي
حياة منول وش زينه

*

صرخة.. ذكرتك يوم واليوم موعود
لجل الوفا لراعيك موفي الوعايد
كني بوقت راح حاضر وموجود
في يوم عشاة المجد.. عله هايد
وكن "المربع" توه اليوم مشيود
جدران طين اطمام سقفه جرايد
قصر بني للعدل والطيب والجود
سوره ذرا للناس وفرشه وسايد