مسرحية عن المخدرات والرفقة السيئة مكتوبة

[بيسان الدلوعة]

 

 

اسكتش عن المخدرات والادمان..مشهد تمثيلي عن المخدرات

المسرحية الاولى

الشباب و الموت البطيء

الأعضاء : حفصة الجباري ـ فرح _ رحيمة العزيزي ـ سناء_ رجاء الحجوجي ـ

هاجر _ أيمن السعيدي ـ معاذ _ جواد بلهيص ـ سفيان _ محمد الحجامي ـ سعد .



ما إن رن الجرس حتى هرع سفيان وسعد ومعاذ خارج المؤسسة و بقيت الفتيات لتكملن كتابة الدرس أما الذكور فلم يتردا في إشعال سجائرهم و بعد فترة من الزمن تبعتهم الفتيات.



هاجر : مازالين هنا آش كتسناو

فرح : فهامت غطلعوا الموال وعاد تميثيو

سناء: هذاك ليكيطلعلهم الموال راه السم ، بعدو عليه حسن ليكم

معاذ: شوفوا نتما فيكم ما اتقادوا معانا واخا مابغيتوش عطيونا التيساع

سفيان: كاليك سم قديما عندك ، كاع غادي يمرضنا

سعد : واخا حتى نموتوا المهم نكونوا شفنا لمبلونص ملداخل

فرح: و زوينة عندك كلنا غنموتوا

سناء وهاجر: الله يهديكم على راسكم زيدي آ فرح بحالنا

فرح : سيروا سبقوني هاني جايا (ثم تقول لمعاد) آجي انتا ماغاديش تعطيني ريالتي

معاذ : آمالكي دابا كتأندري علينا ، 10 دراهم دايرا عليها فضيحة زيدون شغا الديري بيها

سفيان: يمكن غادي تشري بيها كويرويات

فرح : ديك الكاروا خليتوا ليك

سعد :ها بنادم بغا يبان و بقاي تابعا ديك المعقداتما عرفين والو على هاد العالم

سفيان: شوفي آفرح الحياة باغيا خبرة و تجربةو هي كلها مغامرة و حنا خلقنا باش نكتاشفوا كلشي عليها

معاذ : و الله ودخلتي للعالم دلكارو ما تسخاي تخرجي منو كاع (ويعطيها السيجارة قائلا )زيدون مرة ما عندها ما الدير ، ورينا قفازتك(فتمسك فرح السيجارة قائلة) شوف أول وآخر مرة وعاود خرجني فجورنال (ما إن أمسكت بالسيجارة حتى بدأت بالسعال قائلة )

فرح : آه مالوا هاكا

سعد : وا لحماق عجيت المرة الأولى شوفي أنا صاحبي ( فبدأت تدخن و بعد برهنة قال )

معاذ: آه على دوخة قلبي غايزول مبلاصتو ، هادي يوماين و أنا كنحس براسي ثقيل مقاد ندير والو

فرح: سير للطبيب

سفيان: وراه غير كيمثل عليك باش ما يعطيكش العشرة الدراهم

سعد : أشنوا رأيكم نمشيوا نضربوا شي ضويرة مدكشي

فرح وسفيان: واخا متافقين

معاذ : سمحولي أنا غنمشي للطبيب (ويخرج الكل و في صباح اليوم التالي تأتي فرح وسفيان و سعد أولا )

فرح : كي اصبحتوا ، سعد آر شي واحد معاك

سعد : وشتي ختنا تبلات

فرح : شوف ، راه صبحت على سب ( وبدأت تدخن معهم وبعد برهة تأتي سناء و هاجر وتقول )

هاجر: شوفي مازالين كيكميو واخا كلنالهم التدخين مضر بالصحة (و إذا بسناء وترى فرح تدخن فتتعجب قائلة

سناء: أويلي شكا الديري

فرح: والو غي وحيد

سناء :ديك لواحد كيحتوي على4000 مادة سامة و أخطرها النيكوتين

سفيان: أشنوا هوا، فيه 4000 مادة سامة و أخطرها النيكوتين

سعد : و لا راك مسمعتيش مزيان و كاليك فيه حتى النيكوتين اللي هي مادة سامة بزاف

هاجر: وحتى انت داباهادوك غادي اليدوها فيك راهم مدوخين بديك المصيبة دالكاروا

فرح : هداك اللي كتسميوه مصيبة مكيدير والو بالعكس كيخليك فعالم آخر ما فيه مشاكيل

سفيان: واشنو هو هاد النيكوتين

سناء : النيكوتين هي مادة سامة وكتسبب فالعديد مالأمراض كالسرطان وقرحة المعدة ( وإذا بمعاذ يدخل عليهم و فاجأهم ببكائه )

معاذ : آه يا الصحاب سببت لراسي فالعذاب ( ثم يسألونه ) مالك أمعاذ اخلعتينا عليك

معاذ : وراه لقاو عندي ارتفاع فالضغط الدموي

فرح : ارتفاع الضغط الدموي فهاد السن راك مازال صغير على هاد المرض

سفيان: واشنوا سبايك

معاذ : وشكون منغير آفة القرن شكون غيكون منغير الكاروا

سعد : وشنوا الحل

معاذ : الطبيب وصف لي وحد الدواء و لكن الدواء الوحيد هو نبعد نهائيا على الكاروا

فرح : مايمكنش هدشي هدا هو العالم الهادئ هدا هو العالم اللي رشدتيني ليه علاش كنت باغي الدمرني

سفيان : الذنب ماشي ديالوا البوحدوا الدنب دبالنا جميع حنا اللي شجعناك مكناش عارفين فين كانحطوا رجلينا

سعد :عندك الصح و النفس أمارة بالسوء و الذنب ديالنا كلنا و حتى انت أ فرح تغرين بالمظاهر الكذابة.