قصيدة شعر عن يوم الشهيد المصري عبدالمنعم رياض

[جودي احمد]

 

 

قصائد عن يوم الشهيد في مصر 9 مارس

قصيدة للابنودي عن الشهيد عبد المنعم رياض

أخي العزيز عبدالمنعم رياض
شهيد معارك القتال:
تحية طيبة وسلام
سلام حقيقي
زي شمس العالم اللي..
بتيجي من قلب الضلام
عصرته لك...
من الدموع والابتسام
أرسلته لك
من خلف موكبك
من الزحام
من قلب صدق مصر
لما بتجتمع
ويبلع الصوت الكبير
* في قلبه* كل صوت
مصر الشريفة
بتندلع
وبتتسمع
من غير كلام!!
أكتب إليك وانا ع الرصيف
الصبح بدري..
طلعت م البيت
انتظر ركبّك يفوت
وقفت وسط الناس
وفي ضِل العمارات والبيوت
حزين.. كإني الحزن
مصلوب
كاني نخلة لما الريح تموت
غريب في وسط الناس
هنا.. علي الرصيف
بتعصف الدنيا
بأحلي ما في الضلوع.
لاقادرة عيني علي البجا
ولاقادرة
علي حبس الدموع.
مايهز أولادك
يا أرض الطيبين المخلصين
إلاٌ اختفا إنسان شريف
خاصٌّة..
إذا مات في الدفاع
عن الوطن
وعن الفقاري والسنابل
والمباديء.. والرغيف.!!
***
كان الهوا بالامس بارد
في نواحي القاهرة
وانا ضعيف.
لكن وقفْت في الميدان
ماكانش ممكن أنسحب من المكان
كإن حيفوت من هنا
جسدي أنا.
وقفت ادفي جسمي
في جسم الجموع.
وماكنتش اتخيل
بان اللي ف حشايا
في حشا و دموع
جميع الناس في مصر
إلاٌ امٌا كسرني الزحام
وعصرني عصر
كأني قشٌّاية في بحر
يردٌني يجيبني يمين
شمال يمين..
في الزحمة دي تنسي انت مين..
لكني حسيت إن زقٌّّي حقهم
وإن ده المفروض يكون.
ما أحلا مصر
وهبه طالعة برجلها
بره السكون
علشان تكون!!
***
وانا كنت فاكر
ان اللي جمٌّعنا الأسي
علي فقْد قائد جيش عظيم
في ظروف شداد
تشبه لدي.
لكني حسيت بالخجل
لما سمعت حوار مابين
اتنين مواطْنين طيبين
وأغلب الظن أنهم عمال
لأ.. نقاشين.
متطلطخة إيديهم بزيت البوية
والميتْ ألف لون
وأغلب الظن انهم
تركوا العمارة
ونزلوا يهدوك السلام.!!
قال القصير السمين:
(ده بدء خير)
بصٌجوا اللفنديات عليه
مستغربين.
كمٌل كلامه:
(ايوه.. واللهي النهاردة اقدر أقول
ان احنا بكرة منصورين)
بّصوا لفنديات
باستغراب شديد.
كمل كلامه:
(أيوه.. 'عب منعم رياض'
قائد عظيم.
لانه بالموت إدٌي معني
للحياه.
لقيمة العمل الكبير
اللي بناه وهوٌه.. حيٌ.
اتخيلوا قائد كبير
في أيام صعيبة زي دي
بيموت شهيد!!
وماتْها فين..؟
وسط العساكر والجنود
معناها إيه؟
معناها ان 5 يونيه
بيختفي .. إلي الأبد.
وانٌجه اتوجد معني
لتحرير الوطن
وعن الدفاع عن البلد.
كل اللي مات
من قبل 'عب منعم رياض'
ماتوا ع السرير وفي البيوت
ماتوا في سكوت.
وكلهم قجتلةّ المرض مش العدو.
لكن ده غير كل الرجال.
ده أول اللي ماتوا
علي شط القنال.
ودمه طرطش ع الرمال
يرسم أمل وراء النضال
وبدمه..
بيقول : 'إشهدوا'!!
انتو تقولوا مات شهيد
وأنا أقول:
ده مات مثل.
مات..
عارف ان الموت
جزء من العمل.
بيكمل الشغل اللي سبْته
فوق.. علي حيطان العمارة.
لولا إني شايفه عظيم عظيم
لولا انه خلانا نصدق
اللي بتقوله الخطب..
من ان سينا راح تعود
لولا انه كان واحد بسيط
من الجنود.. ازاي حاكون هنا في الميدان استقبله لجل الوداعْ..
ده لابن خال ولا ابن عم
لكنه شيٌٌل قلبي هم
مش أي هم .. واللي اشتري غير اللي باع
***
وعلي الرصيف
يا اخ (عب منعم رياض)
غلّي الزحام
وعلي الكلام.
***
العامل التاني رفيع..
شعره شايب
سنٌجه أكبر مننا.
اندار وبجصٌ علي اللفندي
اللي بيمزع الزحام
علشان يقف قدام
ووجهله الكلام.
وقالله:
(يا ابني..
لا أهمية لمطرح أو مكان
اختار ولو أبعد مكان
مافيش هنا فرجه
ولا متفرجين..
حتبجصٌ علي مين؟.. البطل..
جوه الخشب.
وإحنا هنا طالعين عشان
نعمل عمل.
طالعين
نوافق الأخ 'عب منعم رياض'
علي انه مات لاجل الوطن
ونطالبوا 'بمزيدن' من الشهدا
جنود ومواطنين.
طالعين نشاركوا ف معركتنا
بالوقوف حول الجسد.
ونقول بإننا نقبل الموت الشريف
اللي بيرسم من دمانا عيد..
ونحط روحنا ع الرصيف
مع نفس جثمان الشهيد
والاٌ احنا واقفين ليه ياناس!!؟)
***
ميٌلنا روسنا في خشوع
جسدك يا 'عب منعم رياض'
نطق لسان إنسان فقير
بحقه في الحرية وبحقه
في تقرير المصير.
خلنا نتوحد جميعا في جسد
خٌّلانا نتوحد جميعا
في هتاف واحد يهز سما البلد
بالروح
بالدم
نفديكي يا مصر

**********

قصيدة للشاعر احمد فؤاد نجم عن الشهيد المصري عبد المنعم رياض

زعق الوابور ع السفر
انا قلت كان بدري
نعق الغراب ع الشجر
خطف الفراق بدري
جدع
ما شفناش جدع
فات فى البلد زيه
عيط عليه القمر
والنجمه فى البدري
يا نني عين البلد
يا ابن البلد يا عزيز
بكيت عيون الولد
والبنت والعواجيز
يا قلب مصر النقي
وقلب مصر بياض
عزيز علينا اللقا
بعد الفراق يا رياض
يا عتره الحراس
يا بو الادين تنباس
ياريتنى كنت معاك
وشربت نفس الكاس
هطال يا دمع البكا
واللى بكي لم طال
دم الجدع
يا جدع
سال ع القنال
هطال
يروي على اراضينا
حدوته بالموال
بعد الصلا ع النبي
يا ليل يا عين يا نضال
ملعون يا داء البكم
ملعون يا طول البال
بعد الوطن ما اندهس
وصار ترابه حلال
للغاصب الاجنبي
والجبنا والاندال
يا حر قلب الناس
على رنه الاجراس
الشعب كله رياض
ورياض مثل
يا ناس
يا نني عين البلد
يا ابن البلد
يا شجيع
دمك عزيز ع البلد
عمر العزيز ما يضيع
كلمه وقالتها البلد
فى لحظه التوديع
بالدم
نفدي البلد
لا سلم لا تمييع
وان كان طريقك سفر
تفنيه خطاوينا
وتغوص فى جوف السحر
وعقولنا تهدينا
وان كان طريقك حجر
حتبشبشه ادينا
ونرشه من دمنا
من عندنا لسينا
يا رنه الاجراس
دقي وصحي الناس
ملعون ابوك يا خوف
بعد الشرف ما انداس

*************

فؤاد حداد يكتب قصيدة رثاء عن عبدالمنعم رياض

كان رياض فارس مجاهد
السلاح و القلب واحد
فى عيون الشعب خالد
كل أيامنا رياض
كان رياض أُمَّة كريمة
نوَّرت فيها العزيمة
لاجل ذكراه الرحيمة
كل أيامنا رياض
كان رياض دمعة فى قلبه
يعرف الحق اللى طالبه
احنا طول الليل نصاحبه
كل أيامنا رياض