خاطرة عن ابي العزيز , منشورات عن الاب , كلام رائع عن الأب

[admin]

 

 

كلمات عن الاب المثالي - جمل مدح للاب - عبارات عن الاب

يابوي جعلك للبقا والمكاسب
عمري بدونك يالذّرا ويش أبي به


يابوي تسأل عن شفاك المراقيب
طلعة سواتك للنّوايف غريبه

ليه المرض مايعرف الزّين والعيب
مايدري أنك للمخاليق هيبه !!

أسألك وش به غزا وجهك الشيب
والقلب لايع والنواظر شحيبه

وش بك تحاتي لانوى الموت تغريب
تخشى علينا بالليّالي الكئيبة


خذ دلّتك واركى على مسند الجيب
وعطني شماغك بلثمه وأحتمي به

ونروّح لأرض ٍ بها العشب والطيب
وتسمع كلام ٍ يالغلا تحتفي به

يابوي بنتك لاانحكى بالتّجاريب
كل ٍ يشق لهيبه الصّيت جيبه


يابوي ماني من سوأت المخاريب
اللّي تجيب لعليّة القوم خيبه


وماني من اللّي لامشت حفّها الرّيب
أنا من اللّي ما يدنس حليبه


مرفوع شأني عن غرام المكاتيب
وأكبر من انّني أرتضي بالحبيبة


أنا غرامي لاابتدوا بالتّراحيب
نفوس الأوادم في وجودي رحيبه


وان كان زيني فتنةٍ للمصاويب
أحط وجهي بالحريق ولهيبه

وان كان عندي (بالحلا) شيءٍ صعيب
عندي جدودٍ مارضت بالغليبه


دموع القبائل في لقانا مساكيب
كن المقابر لاحضرنا قريبه


خضّبت لك كفّي من العز تخضيب
ورفعت راسي للنّجوم العصيبة

طلع المعالي ماانحكم للشّواريب
بنتٍ وأناطح فارس القوم طيبه


وياشيخي أبشر لوتدور الدّواليب
بنتك إلا منّه عوى الذّيب (ذيبه)

شعر عن الأب المتوفى:

عيد وخناجر تطعن وتكثر أحزان
كتبتها بالدمع بأول حروفي
من بعد فرقا من له الروح مسكان
تفداه روح ما عليها حسوفي
واطلبك ياللي ترزق الناس الإيمان
وأسألك يا ربي بعفوك تروفي
وترحم ابوي وترزقه كل الاحسان
ويصير منزله بعدن معروفي
ويا بوي طيفك داخل القلب رنان
يا ليت في شوقي لشوفك تشوفي
وصلك على قلبي كما الغيث هتان
وفرقاك نار تشتعل وسط جوفي
ما للفرح عقبك مراسي وعنوان
وشوفتك تجلي من قسى البعد خوفي
ويا بوي ابنك هال دموع الأعيان
يبكي على حضن كريم عطوفي


شعر عن الأب الحنون:


ابي يا أول حب عشته في دنياي
يا أول أسم تنطق شفاي طاريه
أنت هوى روحي وبعروقي الماي
عمري بدونك عمر ما عشت انا فيه
يا ما لقيتك في شتاء وقتي دفاي
حضنك يدفئني بحنانه وأدفيه
ويا ما مسكتي من على الوقت يمناي
خوفاً علي من الزمان وبلاويه
أنت نظر عيني وبسمة شفاي
وأنت هوى قلبي وحبه وغاليه
وأنت صبرك اللي تعدى عطاياي
لو عشت كل العمر ما اقدر اوفيه
تدعين ربي لي يسدد خطاي
وأرفع أنا كفي لله وادعيه