|
مسرحيات مدرسية - اسكتشات مسرحية تربوية - مسرحيات جاهزة للمدرسة - مسرحية طلابية - اسكتش |
![]() |
|
أدوات الموضوع | انواع عرض الموضوع |
#1
|
||||
|
||||
![]()
![]() مشهد تمثيلي عن محو الامية..اليوم العالمي لمحو الامية آمل أن ينال إعجابكم: ـ المشهد الأول الأم : تعالي ياسمر اقريلي الرسالة اللّـي جات من خالك حمادة اليوم. سمر: ياماما ماني فاضية عندي مزاكرة. الأم : طيّـب تعالي يانهى اقريلي الرسالة. نهى : ياماما عندي اختبار بكرة ما أقدر. الأم : باقي إنت ياعبادي تعال اقريلي الرسالة. محمد : ياماماانا رايح أنام خلّـها بعدين . الأم : حسبي الله عليكم من اولاد ونعم الوكيل, كذا تسّو معايا ع شانكم تقرو وتكتبو و ياخسارة تربيتي فيكم. الأب : إيشبك ياأم عبادي بتخاصمي عسى خير. الأم : اولادك يا شايفين نفسهم عليّـا , كلما جيت اقول للواحد منهم تعال اقريلي الرسالة يصرح في وشّـي اللّـي تقول عندها مزاكرة , واللّـي تقول عندها إختبار , واللّـي رايح ينام, طيّـب ايش اسوّي معاهم, إلا اقلك تعال اقريلي الرسالة وشوف ايش فيها طمنّـي تراني قلقانة بسرعة الله يرضى عليك. الأب : والله ياأم عبادي دايخ خلّـيها بعد الأكل .. المهم قومي جهزي الأكل بسرعة , يالله عصافير بطني بتزقزق. الأم : حسبي الله عليكم ونعم الوكيل, كل واحد همه نفسه وبس. الفصل الثاني الأم : خذ ياعبادي الفلوس وروح المكتبة اللّـي جنبنا وهات دوسية وصوّر الهوية بسرعة لاتتأخر. عبادي : ليش ياماما. الأم :الحمد لله حكومتنا الرشيدة ماقصرت فتحت مدارس محو الأمية في كل مكان عشان اللّـي مايعرفو يقرو وبفكو الحرف يتعلمو فيها , وانا ابغى اسجل في المدرسة واتعلم القراية والكتابة والله يغنيني عنكم.
عبادي : (ينادي اخواته) سمر , نهى , تعالو اسمعو ماما بتقول ايه. سمر ونهى: (بصوت واحد) ايش فيه عسى خير. عبادي: ماما تقول تبغى تسجل في المدرسة عشان تتعلم القراية والكتابة , وماتحوج نفسها لأي مخلوق بعد كذا. الأب : ايش هادا يا أم عبادي هو " لمن شاب ودوه الكتّـاب وإلا ايه " . الأم : انا صممت ولازم اسجل في المدرسة , وبعدين لاتنسو بأن العلم نور , وكمان فريضة على كل مسلم ومسلمة ومادام حكومتنا الرؤشيدة الله يديم عزها فتحت المدارس ومنحت الفرصة للرجال والنساء للّـي فاتهم قطار التعليم ..ولازم نستفيد.. المهم روح هات الدوسية وصوّر الهوية وتعال بسرعة لا تتأخر. الفصل الثالث الأم : ( وهيه جالسة) على الكرسي وتحمل في يدها الشنطة وكتاب الهجاء وتقول لأولادها: تصدقو اليوم كان من اجمل الأيام عندي.. الأبلة في الحصة الأولى كتبت لنا الحروف الهجائية وعلمتنا هيه وفي الحصة الثانية علمتنا الحساب وورتنا كيف نجمع ونطرح.. والله يا اولادالدراسة حلوة , والله يرحمك ياابويه ياريتك علمتني وانا صغيرة كان اليوم صرت شكل تاني , اسمعو يااولاد: ذ, هـ, ب .... ر , ج , ع .... أ , ك , ل .... ش , ر , ب , وكمان 1 , 2 , 3 , 4 , 5 ( ها قولو ايش رأيكم) .؟ الأولاد : ماشاء الله ماما صارت تقرأ وتكتب . الأم : شوف يا ابوعبادي الأبلة قالت لازم نجيب معانا بكرة دفترين ابو اربعين ومرسمه ابو تمساح ومسطرة ولا تنسى تجيبها وانت راجع في الليل. الأب : حاضر ياستي , بس قومي جهزي الأكل, يالله يابنت الحلال . الأم : ياهو شوف الشغالة ستي رحمة في المطبخ خليها تجهز الأكل .. انا عندي مزاكرة وواجب , لا تشغلوني عنها , وبعدين الأبلة شديدة , ومو ناقصني إحراج قدام زميلاتي,. الأب : ينادي ( ستي رحمة) جهزي الأكل ماما بتزاكر . بسرعة يالله . الله يعطيني الصبر . مسرحية 2 اول شي تدخل المعلمة الفصل : السلام عليكم يردوا الامهات: وعليكم السلام بنت من انت؟ وتلقف الكلام وحدة ثانية : انت متزوجة .. المعلمة توقف حيرانة تجاوب فلانه بنت فلان ترد الامهات : ايوه بيت فلان شصيروا لك ؟؟ ما يصيروا لي شي ترد عليها الحرمة ايوه بتعجب وتحتار ذيك المدرسة من كثرة الاسئلة لا مو متزوجة يحليلك ليش اتوظفت وما اتزوجت ضاعت المعلمة في الزحمة وراح اليوم الاول على هالمنوال وتمشي الايام وتجي حصة الكتابة : تلف عليهم تكتب اسماءهم بعد ما علمتهم الحروف شسمك انت يا امي : اسمي ام احمد لا لا اسمك يعني انا امل انت ايش ترد عليها احترمي من اكبر منك بعد ما كبرت تناديني باسمي وتزعل الام وتضطر المعلمة المسكينه تعلمها اسمها: ام احمد وانت شسمك حشيمه طيب اول حرف من اسمك ايش قالت حشيمه قالت لا اول حرف قالت شيم قالت المعلمة لا حشيمه حرف الحاء قالت لا الشيم هذا اسمي وانا ادرى فيه المعلمة تضبط اعصابها وتكمل معاهم تنتقل المعلمة معاهم لحصة العربي المعلمة : دخل عبدالله على خديجة " كتكوين جملة مفيدة" قاموا الامهات يغطرفوا قالت وحده منهم مو زواجه الشهر الجاي ردت الثانية يمكن قدموه وما قالوا لنا قالت الثالثة انا رايحة اخانقهم ولا كأنا جيران وتقوم 3 تطلع اتحاول المعلمة تفهيمهم ما فيه فايدة تكمل مع الباقي قالت في نفسها انبعد شوي عن الزواجات سقط احمد من على الشجرة تصرخ ام احمد يا ويلي راح ولدي وتركض بره تضيع المعلمة بين اللي هربت وبين اللي يعاتب المعلمة انها خرعت ام احمد وتعجز تفهمهم انها جملة مفيدة بعدين في هالزحمة تخطبها حشيمه لولدها عشان اتنجحها بالاختبار وتغششها الاسئلة هذا راي حشيمهاذا صارت المعلمة زوجة ولدها غير بهذا كله تطلع وحدة من الامهات في عز الشرح ادويتها تسال المعلمة وين دواء الضغط ووين دواء السكر وتقول لها رحم الله والديك جيبي لي ماء طبعا انا مرتين سويت هالمسرحية في مدرستين مختلفتين والبنات ابدعوا فيها يرتجلوا الكلام ويضيفوا شي جديد حسب ابداعاته اتمنى ما طولت عليك
|
![]() |
الذين يشاهدون محتوى الموضوع الآن : 6 ( الأعضاء 0 والزوار 6) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
مسرحية مكتوبة عن مرض السكري | بيسان الدلوعة | مسرحيات مدرسية - اسكتشات | 0 | 01-17-2018 06:47 PM |
مسرحية مكتوبة عن حب مصر | بيسان الدلوعة | مسرحيات مدرسية - اسكتشات | 0 | 01-17-2018 06:42 PM |
مسرحية عن الحج مكتوبة | وردة امل | مسرحيات مدرسية - اسكتشات | 0 | 01-17-2018 05:11 PM |
مسرحية عن سوريا مكتوبة | وردة امل | مسرحيات مدرسية - اسكتشات | 0 | 01-17-2018 12:20 PM |
قصيدة عن محو الامية , ابيات شعر عن الامية | فتاة شقية | تصنيف: كلمات و عبارات | 0 | 01-06-2018 09:05 PM |